Холдор Вулқоннинг ижодий саҳифаси.

                                  
Адиба   Умирова

           Сизни суйдим

Сизни суйдим бошим турар дор устина,

Харидорман ўзим харидор устина.

Не ғам бўлса розидирман ёр, устина,

Баҳорларим азонларда ҳазон бўлгай.

Хушдийдорлиғ сўрайдурман осмонлардан,

Бир бор ичиб минг бор кечган сайхунлардан,

Бир “Хув” десам келса ўша тамонлардан,

Озорлари дардларимга дармон бўлгай.

Надир юлдуз, юрагимга ўт ёқмаса,

Надир денгиз, тўлқинида гул оқмаса,

Надур бу ишқ, ёнимда ёр бир боқмаса,

Гар оҳимдан дунё томи вайрон бўлгай.

Доғингизда куйганларим сароб эмас,

Худойимнинг даргохида хароб эмас.

Ичиб олай десам дунё шароб эмас,

Орзуларим энди бир – бир армон бўлгай.

Сиз қайдасиз? Мен ўзимдан бегонаман,

Дунёлардан чиқиб кетган девонаман,

Ўзим ёққан шамга ўзим парвонаман,

Бу ҳолимга замонлар ҳам ҳайрон бўлгай.