Холдор Вулқоннинг ижодий саҳифаси.

Холдор   Вулқоннинг  "Хаппарнома"   асаридан   янги   боб

Мизхаппарнинг қирқ биринчи мактуби

А. А, Сайтмрод ака! Вақт зиқлиги учун қисқа соломлаштим, узр. Сиздан интимос, техника хапсизлигига амал қиб Европийя, Амрикийя, Африйкия ва бошқа мамлакахларда яшаяткан одамларга шомдан кегин кўчага чиғменар деп айтип қўйсангиз. Тағин ушпу туникага михминан ёзяткан қиммахлик мактупим шомолларда данғира дунғир учип қиррасиминан борип бита ямпасини пешанасига санчилип қомасин.Энди миддаога кўчмасам бўмейди шкилик. Ўткан хапта қоренг, дўсларимминан Битта   орахти    мейдалап    урвоп,  ямтадан пишиқ ғишти об, бир ювинип келейк эмаса , деган махсатта Чапайип калхўз хоммомига бордик. Борсак, хоммомди гўлақиси Мурзагумбир мазутга чиланган апилкани курахминан хоммомди ўтхонасига отятканакан. Хорменг бор бўнг қиб чечинадиғон хонага кирдик.Кирсак, буғ тўлвоған хонада одамлар хутти туманда юргандей чечинип кийинишятканакан. Мен уларди булутланни ичида сузиб юрган арвохларми деппан. Буғ – булут ичида лунгичи Исом акани зўрға танидик. Исом ака буғди ичидан бизга қоратип лунгиланни отти. Биз лунгиланни илволдик дагин, чечина бошладик. Исом ака: - укалар, ювингани кир совун керахмасми? - деп сўрўвди - раҳмат ака, хожати йўқ. Биз ювиниш учун чўчқахонадан махсус яримтаки ғиштланни апкеганмиз - дедик. Шуйтип чечинип, лунгиланни тағип пақир, тоғораланни оп қона эмаса, олға! - деп буйтип қорасак, Қурумбўй оқ иштониминан ичкарига кириб кетятканакан. Бизам унга эргаштик. Ичкарида ўзимизга ўхшейдоғон қоратўри, аааарвақ, йўқчилигдан пешанатириш касалига чолинган , ажинлик юзлари ёғоч ўймакорлик намунасидей, чиллашир одамлар пишиллаб ювинишяпти. Одамларди гапларига, идишларди даранга дурунгига хоммомди гумбази акс – сода қайтаряпти. Мени нимагадур ашилла айтким келди дагин, куйлей бошладим.

Э, жомолинг соғинип жонооооон ўзимди тўқтатомиман!

Алаааам қайғусида ёндимеееееей ўзимди ухлатомиман!

Қўшиғдан завиқланип кетип Мамадиёр мўйнини чўзганича : Вой дўўўўўўўс! Жуп бўсииииин! - деп бақирворди. Қурумбўйминан Йўлдашвўйам ўзини тутомей қони қайнап эшиллип ўйинга чушворишди. Ювиняткан одамларам шинавандейкан қарсак чоб олқишлап баъзилари пақир, тоғораланни тўнтарвоп чола бошлади. Мен санъатим мухлисларга манзур бўлятканидан мамнун бўп пири устозларди рўҳи кечирсин дедим дагин иккинчи ашилламди бошлавордим:

Ўйласаааам шу дилбариииим маккооооригангаааа ўхшайдику!

Рахми йуууууууқ бир бевопонго дилдоригангаааа ўхшайдикуяааа!

Эй Нихооооон ёр ишқидин бўлди юрааааклар чоки чооооооок!

Кокили мўйнимға солған дооооорга ўхшайдикууууяаааа!

Мен энди юқори октавада қўшиғди авжига чиғаман деп турсам қўлларини илондей билтанглатип, елкаларини учирип бармағларини қирсиллатип ўйнаяткан Йўлдашвўй кутилмаганда бир бўлак кир совунга сийғанганича борип бетон полга чалпак бўп чушти. Биз кансетти тўхтатишка мажбур бўлдик. Мамадиёр: - Куй авжида узилдику тор деп Йўлдашвўйди ўннидан тургизди. Қорасак Йўлдашвўйди қозонсупат дўпписини тагидан қон сизип чиғяпти.Бир пастан кегин қон тезлади. Биз беморга биринжи тиббий ярдам кўрсатейк деп Йўлдашвўйди пешанасини лунгиминан байладик. Қурумбўй оқиштонини битта пойчасини йиртип Мени қўлиммас, Гиппакирант бувамди қўли деди дагин у латта ярдамида Йўлдашвўйди тамағидан маккам қиб сиқиб байловди Йўлдашвўйди бети суннейчини бетига ўхшап шишип, ўвзидан тили чиғип кўзлари чекчейди. - Э, жоноп пирзидин, нимага бу бечарани буйтип бувяпсиз? - десак, Қурумбўй : - шуйтип мўйин томирларини сиқип байласак қон тўқтейди – деди. Агар Мамадиёр Йўлдашвўйди мўйнидаги сиртмағди чечвормаганда у тил тортмей ўларитти. Кегин тамоми юкларди ташиш ўзимизга қоларитти. Омале пешанаси лунгиминан бейланган Йўлдашвўйди видўга оледоғон бўлдита ўзиям. У хутти оч қоринга для храбрости дея камандури қуйиб беган испирттан 200 ғром урип белига гранаталанни бейлавоп За Исталину! Дея ўзини “Тигр” танкини тайига тейлаяткан қохраман жангчига ўхшаритти. Биз кансетти тасириданми теллаб - пишип бошладик. Хоммомди    ичи  оташ   аланга! Ташқарида   43   градис    иссиқ! Буни    устига    ямтани    мейдалап  урвоганмиз. Кўйни нозик одамлар кечирсину танамизди буйтип ғиштминан ишқаласак,  кирларимиз хутти пластилинга ўхшап эшиллип чиғди. Сиёсатминан бўп беш – олти йилдан бақа ювинмей юрўрганаканмиз чўчқахонада. Биз кирларимизди чиғорип сув олиш учун ичкарига кирип кетятувдик, бир маҳал денг,  хоммом  "Баааааанғ!"  айтип портиллап кетса бўлама? Биз пақирланни, тоғораланни тейлап кўчага қорап қочтик. Жон ширин бўларакан.Қўққанимиздан кийимларимиздиям, ўтигларимиздиям киймей лунгиминан кўчага қорап югирдик. Кўчада жуда катта тезликминан чопиб кетятувдик Махалла камкетти идорасидан уч – тўтта хотин чиғип келятканига кўзимиз чушти. Уятиб ўзимизди Чапайип номлик махтапти кательнигига урдик. Кателнигдаги кўмирди майдалари югирганимизда тўзип нам танамизга япишип апти вошимиз танибўмедоғон бўпкетти. Хотинлар ўтип кеткач кўмирхонадан чиғдик. Чиғмасагам бўларакан. Нимага дсангиз, хоммомдан чиққан шинаванда мухлислар бизга тейланди. Йўқ, оптўгрип олиш учунмас, тўппослаш учун! Буқоқ касали тупайлик кўзлари акулани кўзига ўхшап ирғип чиққан битта мухлис : - Ушлааа, хоммомди портиллаткан терўрисланни! Мундей чғин иш пақат сиёсатминан шуғилланедоғон юртбузуқи, кўннамакланни қўлидан келади! Бу нонкўрлар хўкматти қўлга олиш учун атейлап хоммомди портиллатишкан! Ур, халойиқ, қора нийяхлик терўрисланни! - деп бақирди. Улар шуйтип бизди тўппослашка бошлади. Биз қўлларимизминан буйтип ўзимизди зашишайт этип :- Хоммомди биз портиллатмаганмиз! Одалат боми силарда! Қўйган бепул кансетимизга рахматинарми бу?! - Дедик мотанатминан. Вахший оломон қадрдон мелийсаларгаям иш қолдирмей бизди урип тевип ўлтирвораритти. Яхши бахтимизга гўлақи Мурзагумбур кеп: - Тўқтенар! Бу қизиляланғаяқларда айип йўқ! Айип мендаааа! Кайип устида ўтти балат яқвориппан! Даччикка қорамаппан! Давлина ошип хоммомди буғ қозони отвордииии! - деб бақирди. Шундан кегин вахший оломон уришдан тўқтади. Эх вопосиз олам! Хушёрўмасангиз, емаган пицага пул тўлашингизам хич гаппасакан бу поний дунёда. Майли индақа бўса тмасам, Сайтмирод ака, тирикчилик деп бегона юртларда изғиб юрган барча Ватанитошларга солом айтасиз. Эҳтиромларминан укангиз қизиласкар Мизхаппар.

25 инжи июн, 2009 инжи йил. Кеч сохот 12 дан 35 мил-ит ўтти.

Чапайип обилис, Чапайип нохия, Василий Иванувич Чапайип калхўзи.