Холдор Вулқоннинг ижодий саҳифаси.

Холдор Вулконнинг "Кадрдон   киргоклар"   китоби  лотин  имлосида.  Иккинчи кисм.

HIKMAT

 
Odamzod odamga
Oyna deydilar.
Bu to‘g‘ri, lekin,
Kulgi xonasidagi kabi
Qing‘ir oynalar ham
Bordir dunyoda.
Ularda aks etgan
Aftingni ko‘rib
Kulasan
Ya’ni,
O’pkalab yurmaysan
Qing‘ir oynadan.
 
26 dekabr, 2007 yil. Toronto. Kanada. Yarim tun.
 

Холдор Вулконнинг   "Кадрдон   киргоклар"   китоби  лотин  имлосида.

                              Биринчи  қисм


                 

YOZ     OQSHOMI

 
Olovi tortilgan o‘choqday dunyo,
Oqshom qashshoq emas, tovushlarga boy.
Hademay yorishar oydin sukunat,
Yorishar kimsasiz, ovoz yetmas joy.
Hayratdan ag‘rayib qoladi gullar,
Ruhimga bahsh etib halovat, huzur.
Gulni ag‘raytirib qo‘ygani uchun,
Oy so‘rab o‘tirmas bizlardan uzr.
Oydinda oqargan sokin dalalar,
Osmon gumbazida tamosha tekin.
G’amlari uxlagan mudroq dunyoda,
Men seni sog‘ina boshlayman sekin.
 
2003 yil, 29 iyul.Ertalabki soat 9. Maslahat qishlog‘i.