Холдор Вулқоннинг ижодий саҳифаси.

         Холдор   Вулқон

         Меъмор дўстимга

Қинсимон оғзингда

Занглади ханжар.

Тош каби емрилган

Тишларинг қайроқ.

Туйнукдан осмонга

Қарамайсан  сен.

Осмон   осмон   эмас,

Ой – юлдуз қадалган

Қоп – қора байроқ.

Тафаккур қилмоққа

Вақтинг йўқ сенинг,

Ташвишу ишларинг

Ётар қалашиб.

Узоқда

Ақлдан озган дўстларинг

Муштлашиб ётибди

Ҳаво талашиб.

Қайдадир тошлардан

Зериккан рассом,

Иблиснинг хайкалин

Ясайди мумдан.

Сен эса уларга

Эътибор бермай

Қасрлар қурасан

Соҳилда қумдан.

2009  йил, 1 август. Кундуз соат 4 дан 17 минут ўтди.

Торонто  шаҳри, Канада.