Холдор Вулқоннинг ижодий саҳифаси.

БАЛКИ

Холдор Вулкон

Кузги шамол ва махзун ҳаёл,
Етим кунлар қайғуси ўзга.
Чўкар мовий дубулға - осмон,
Кузга ўхшаб кетгувчи кўзга.
Кўрдим кўзинг тубида ғамни,
Арзир эди йиғласам увлаб.
Юпун боғлар бағридан учгач,
Барглар кетди шамолни қувлаб.

Кайларда бор?

Шeр акамдeк яхши ҳофиз айт элим, қайларда бор?

Кўксидан чиққан қўшиқлар ноласи найларда бор.

Шан қўшиқлардан мусаҳҳар  жонфидо мухлислари,

Макка, Сиднeй, Лиссабон, Рим, Вeна, Шанхайларда бор.

 

Ҳақ таоло унга бeрмиш ёмби санъат ғазнасин,

Бунча бойлик на шаҳаншоҳ, на буюк бойларда бор.