Холдор Вулқоннинг ижодий саҳифаси.

          
          Холдор  Вулқон

                 Ухлама

Бу жахон найранглари ўткинчи, ёлғон, ухлама.

Экканингни қарғалар еб кетди, дехқон, ухлама.

Ўйла, дўстим, бир нафас, келмоқда кетмоқ навбати,

Сен муваққат хужрада келгинди, мехмон, ухлама.

Молу дунё, тожу тахтдан кўзларинг эрмиш сўқир,

Айла мулкингдин бироз йўқсилга эхсон, ухлама.

Қази – қарта, дўлма, норин, қилмасин ялқов сени,

Айла тоат оч қолиб ичсангда ёвғон, ухлама.

Мухташам олий қаср бунёд этибсан, эй рафиқ,

Сен кетурсан, бу ровоқ бўлғуси вайрон, ухлама.

Рохи ростга чорласанг Қулларни Вулқон шеър битиб,

Сенга шул Жаннатда нақд шохона Айвон, ухлама!

24 сентябрь, 2009 йил.

Кеч соат 6 дан 49 минут ўтди.

Торонто шаҳри, Канада.