Холдор Вулқоннинг ижодий саҳифаси.

        Холдор  Вулқон

     

                Топар   

      оламдан ўтганда

Очофат кўзларин инсон ёпар оламдан ўтканда,

Юзиида ўрмалаб қуртлар чопар оламдан ўтканда.

Ибодат аҳлининг қабри ёруғ, озода ҳам сокин,

Худосизлар учун тайёр Сақар оламдан Ўтканда.

Хижоб иссиқлиги Нори Жаҳаннам олдида муздир,

Илонлар фахш элин қийнаб чақар оламдан ўтканда.

Гунохсиз бандалар Жаннат аро яйраб яшар мангу,

Йўлига термулиб Ҳурлар боқар оламдан ўтканда.

Ёвуз золимни тахтдан ағдариб, мазлумни озод эт!

Забардаст бандалар қучгай зафар оламдан ўтганда.

Риёзатлар чекиб сажжодалар устида жон бергил!

Халоват излаган мўъмин топар оламдан ўтканда.

Топиб ХАҚнинг ризосин кетса бу фоний жаханнамдин,

Беринглар шум хабармас, хушхабар оламдан ўтканда.

Гунохимдин кечиб Оллох, қулинг Вулқонни шод айла!

Ғарибликда Ватансиз, дарбадар оламдан ўтканда.

22 сентябрь, 2009 йил.

Кундуз соат 1 дан 53 минут ўтди.

Торонто шаҳри, Канада.