Холдор Вулқоннинг ижодий саҳифаси.

          Холдор  Вулқон

                  Cаҳро

Кўзлар  қолипига   бирдан  қуйилгай,

Кўксимда  лавадек  суюлган  хўрлик.

Қуюнлар  рақсида  қумлар  уйилгай,

Пайпаслар   юзимни   меҳрибон  кўрлик.

Муаллақ   зиндоннинг   қопқоғими  ой?

Юлдузлар  ўрмалаб  юрибди   шифтда.

Қисматнинг  қиличи   ўткир,  ҳойнахой,

Парракдек  айланар   омонат   ипда.

Елкангдаги   қопга  ураман   пичоқ,

Олмос   заррасидай   тўкилади  қум.

Суяклар   порлаган   ойдинда   бу   чоғ,

Қартайган   қузғунлар  йиғлайди  юм – юм.

29  ноябрь, 2009  йил.

Кеч  соат  7  дан  23  минут  ўтди.

Торонто   шаҳри, Канада.