Холдор Вулқоннинг ижодий саҳифаси.

          Холдор  Вулқон

                 Қарғага

Қарға, сени тезакхўр десак,

Ҳафа бўлма, олмагин малол.

Чунки тезак баъзи одамнинг,

Луқмасидан минг бора ҳалол.

Қор қоплаган чорбоғларга боқ,

Кумуш қордан дарахтлар бўрки.

Қарр! Қарр!  десанг туманлар аро,

Гўзал қишнинг ортади кўрки.

Сени ёмон деган кимсанинг,

Комиллиги эмасдир яхлит.

Энг яхши қуш ўзингсан, чунки,

Булбулларга қилмайсан тақлид.

Холдор Вулқон

2008 йил, 30 июль, душанба. Тунги соат 2 дан 04 минут ўтди.

Торонто шаҳри. Канада.