Анвар Бўранов
Холдор Вулқоннинг фикрини ўқиб чиқиб бу нарса ҳамма
Ўзбекистонликларга мос деган фикрга келдим. Менда бу ҳаракатга қўшилиш
истаги пайдо бўлди. Буни фраксия деб эмас балки ҳаракат ёки иттифоқ деб
номлаган маьқул. Холдор Вулқон таклиф этган мақсадлар асосан ярашишга
асосланган, лекин унинг жамиятда қайси унсурларга қарши курашиши тўлиқ
ёритилмаган. Ман амалдаги ҳар қандай ҳокимият билан ҳамкорликда
Ўзбекистондаги амалдорларнимг коррупсиясига ва таниш-билишлигига қарши
курашиш мақсадини таклиф қилган бўлар эдим. Чунки, амалдаги ҳар қандай
ҳукумат коррупсияга қарши курашиш олдида кўпинча ожиз қолмоқда ва бу
эса халқнинг қошшоқлашувига олиб келмоқда.
Мухолифат лидерларининг президентлик курсисига эришишдан бошқа
мақсади йўқлиги уларни ўзбек жамиятидаги бошқа иллатлардан кўз юмишга
олиб келди. Ҳозир коррупсия ва таниш билишликларнинг ривожланиши ҳар
қандай янги келадиган президентнинг фаолиятига зарба уруши турган гап.
Бу ҳаракатнинг битта лидери бўлишига мен бутунлай қаршиман. Чунки
тажриба шуни кўрсатмоқдаки, битта лидер ҳар қандай ҳаракатнинг
фаолиятига салбий таьсир этар экан. Буни ҳаммамиз кўриб турибмиз.
Шунинг учун бу ҳаракат етакчилари гуруҳи бу ҳаракатни бошқариши керак
деб ўйлайман. Ҳаракат етакчилари сони чегараланмаган бўлиши керак ва
улар ҳаракатларини умумий мақсад учун координатсия қилишлари керак.
Бу ҳаракатнинг олий органи ҳаракат етакчиларининг ҳар ойда бўладиган
мажлиси ва унинг қарорлари бўлиши шарт деб ўйлайман. Агар ушбу
таклифлар хам инобатга олинса бу ҳаракатга келиб қўшилувчилар сони чет
элда ўқиган ва ўқиётганлар билан янада кўпаяр эди.
Холдор Вулқоннинг ушбу таклифи учун унга миннатдорчилик билдираман.
