Холдор Вулқоннинг ижодий саҳифаси.

        Қорли  оқшомлар

Термулиб  боқсам  узоқроқ  айлагай   девона  қор,

Изғирин  ел  бирла  йиғлар  бош   уриб  айвона   қор.

Юлди   шафқатсиз   шамоллар  олмахон  қурган   инин,

Айла шафқат дов – дарахту инсу  жин, хайвона,  қор.

Маст  одамдек  қорга   термулганча   унсиз   йиғладим,

Қоп – қоро   зулматда   оппоқ   май   тўла   паймона  қор.

Ёки   Вахдат   жомидин  ичганми  Оллох   бодасин,

Гандираклаб   Арши  Аълодин  ёғар   мастона   қор.

Етмасин   бу  жойга   нопок   кимсаларнинг   мақдами,

Қопқаларни  қопла,   тошдек   музласин   остона,   қор.

Бу   қоғоз   саҳросида  Вулқон   деган   шоир   дили,

Бир   гўзал   сокин   сукунат   қоплаган  вайрона,   қор.

Кундуз   соат  10   дан  39  минут   ўтди.

Торонто  шаҳри,  Канада.