Холдор Вулқоннинг ижодий саҳифаси.

            Холдор   Вулқон      

         Ноктюрн

Тасаввур  ханжари  охиста  йиртар,

Ҳарир  туманларнинг  ипак  чайласин.

Изғирин   фарёди бағримни   ўртар,

Ялонғоч  боғ  мени  афу  айласин.

Олислаб  бормоқда    нур  йили   минглаб.

Биз   минган   тошбақа   бунча   имиллар?

Чиғаноқ   онларнинг   шовқинин   тинглаб,

Кўзим  соҳилида   уммон   лимиллар.

Башар  қатли  учун   самолар   отган,

Қиличдай   қошингда   севгимни   сўйдим.

Хижрон   чироқлари   парпираб   ётган,

Кўнглим   кўчасига    исмингни   қўйдим.

9  декабрь, 2009  йил.

Тунги   соат   10  дан  4   минут   ўтди.

Торонто   шаҳри,   Канада.