Холдор  Вулқон

Ташвиш

Тошлар  орзулайди   бугун    чиришни ,

Биқирлаб,   қиқирлаб  кулган    қувурми?

Пахта  хирмонига  ўхшайди  осмон,

Кўкда  ўқувчилар  кўсак  чувирми?

Маст - аласт  тентирар  довдир  қаламим,

Гарчанд  ичмасамда   суюқ  оловни.

Ёқдим  сен  ўлдирган  сўзларга  атаб,

Руҳим  даласида   мангу  оловни!

Ойдин   кечаларда  югириб  ҳар  ён,

Ёлғиз  типратикон    изларми  озиқ?

Ўтмас    қаламтарош  оғизлар  вайрон,

Яхши  йўнилмаган  қаламим  -    қозиқ.

Тонги  сокинликни  истаган  кўнглим,

Хилватда  соғари  паймона  сунгин.

Йилғинзорлар   аро    қадрдон   моллар,

Беғам  ямлаганда  заминнинг  юнгин.

Булутларни  тешган   олмос  қояда,

Вужудим  йигирдим,    қанот  ясадим.

Ватанимга  учиб   кетсам  қуш  каби,

Рози  бўлармикан   мендан,  жасадим?

5  октябрь,  2010  йил.

Кеч  соат  5  дан  48  минут  ўтди.

Торонто  шаҳри,  Канада.