Холдор Вулқоннинг ижодий саҳифаси.

               

Холдор  Вулқоннинг

"Хаппарнома"

   асаридан   навбатдаги    боб

Мизхаппарнинг   қирқинчи мактуби

Банийсадан тузалип чиғип яна махтапка ишка бормоқчи бўп турсам Қурумбўй кеп: - Гувардиячи қизиласкар Мизхаппар! Ўқитувчилигингизди йиғиштиринг! Сиз харбий верталёхларда ва граждан авиасиясида парвоз қиб тажийба махтапи яраткан ичувчисиз! Энди бизам шуйтип валакисаланг бўп юрўврмей осмонга ракета – пакета учирейк! Муна, яқинда номини айтмаслигимизди сўраган бир импралистик дўлат бизга беғараз харбий ярдам супатида бир қоп карбит тейлап кетти. Иккита темир бўчкаям бор. Бу имконияхланни ишка соп харбий техника саноатини рвожлантирсак, дўлатимизди мидопа қудратини кучайтирсак бўмийма? Ахир, биз юлдузлараро урушларда қахнашип қохраманликлар кўрсатишимиз учун овволо Ойгами, Марсками, Юпитергами, Сатурнгами чиғп жейлашип кўсмик база қурвоп чексиз галактикаларда харбий тала машиқларини ўткизишимиз керак! Ўзингиз ўйленг, қизиласкар Мизхаппар, шундей тараққий эткан зомонда малимчилигам ишми? У ғирт бекарчиланни ишию. Сиз катта одамсиз! Сизминан бизди буюк ишлар кутяпти! - деди. Мен пирзидинди хўкми хўк деп жунналди завуч Чўлмирзайипка топширдим. Шуйтип махтаптаги ишти йиғиштиришимга тувра келди. Бозарип бошлиқ уюшкан ўқувчилар жиноий гурухи роса суюнди. Ўши куни мен, Йўлдашвўй, Қурумбўй Мамадиёр чўчқахонада темир бочкаланни суворкаминан бириктирип пастаги бочкага қопдаги карбихланни солдик дагин, устидан сув қуйдик. Сувминан карбит рияксияга кирган бочка тирқишларидан тутунсимон ховур худди суюлтирган азот буғи сингари бурқсиб турибди. Мамадиёр суворкаминан космик кемани каминкасига эшикминан дераза ўннатти. Мен қоратеминан шуғилланганманта. Шу чун Қуримбўйди махсус топшириғига осасан ракета сиртига лотин алиппосида катта – катта ҳарпларминан Одалат ва Мотанат! Деп ёзип қўйдим. Кегин дсангиз, рокетани тиккалап янларига айри тирап унга чиқиш учун шати (норван) қўйдик. Қурумбўй салапандан қилинган искапандирини кийип шатидан каминкага кўтарилди. У каминкага киришдан олдин бизга буйтип қўлиминан махайт этип:- Майли эмаса, ерликлар! Пирзидин ҳайр – маъзирдиям нася қиб кетворди деменар! Яхши ёмон гап ўткан бўса розўлинар! Мен ушпу парвозимди севгилим Қорявонига бағишлейман! - деди. Биз кўзларимизда жиққа ёшминан қарсак чолвордик. Қурумбўй каминкага кирвоп эшигди ичидан тамбалади дагин: - Авиаконструктр Мизхаппар! Парвозди бошқариш марказига кириб буйруғимди кутинар! - деди. Биз хўп бўлади жоноп пирзидин! - деп чўчқахонадаги блиндажга кирдик. Бир маҳал Қурумбўй рокета каминкасидан туриб: - Кантакт! - деп бақирди. - Есть кантак !- деди Мамадиёр. Кегин таяққа латта ўраб саларка шимдирилган лўпчикка ўт илаштирди дагин уни олимпиёда, золимтуядалардаги машъалани сингари Йўлдашвўйди қўлига тутқазди. Бу оарда Қурумбўйди навбатдаги буйруғи янгради. У бешдан нўлгача санаб Пуск! - деп бақирди. Мен Йўлдашвўйга буйруқни бажаринг дегандай ишора қилувдим Йўлдашвўй ювилўвриб қозонга ўхшап қолган дўпписини пешанасига бостирип кийди. Кегин машъалани балант кўтарип : - Мени қўлиммас, Нурий Гагарунди қўли!  - деп космик кемамиз томонга қораб югирди. У космик кемага етмей бир икки қадам берирағда тўхтади дагин, машъалани қулочкашлап рокета томонга отти. Машъала учиб бориб рокетага тийип чопчиб хутти абаригенларди бумерангини сингари “Ғғу! Ғғу! Ғғу! Ғғу!” деганича айналип – айналип қайтип Йўлдашвўйди ўзига урилди. Лўпчикдаги олов Йўлдашвўйди чўмчеги йиртилган қизил кастимиминан қора йўл – йўл кўйнагига ўт кетти. Йўлдашвўй жон хавпида ўзини ўзи буйтип шаппатилап урип порят чекти. Муни кўрип Мамадиёр кўсмик парвозди бошқариш марказидан қўлида курахминан човип чиғип Йўлдашвўй томон югирди. У етип бориб оловди ўчириш учун ерга ағанаяткан партиядошимиз Йўлдашвўйди устига курахминан турпақ чашти. Ёнғин бартарап қилингач қорасам Йўлдашвўйди чачлариминан қошларини тўқсонбеш прасани куйип юз – қўллари қорайип кетипти. Дўпписи йўқ.Мамадиёр Йўлдашвўйди судрап блиндажга апкелди. Йўлдашвўй бечарани киприклариям куйип жизғинак бўп бир – бирига бирикип кетканидан кўзини очмаритти. Устивошини ями ёнип елкасида хунук осилип тураритти. Биз энди уни куйган жайларига балчиқ чаплаятсак Қурумбўй асабий овозминан: - Пуск! - дияппан сенларга ! - деб бақирди. Мамадиёр блиндаждан чиғип рокета янига қорап чопти. Кегин ерда ёткан машъалани об : - Нурий Аликсеювғич Жажарин бувамди арвойи қўлласин! - деганича ёнип турган лўпчикди галактикалараро парвозга шейланган космик кемамизга қоратип отти. Отмасаям бўларакан. Нимага дсангиз, машъаладан рокетамизга ўт илашип шунақа портиллаш юз бердики, бутун Чапайип калхўзи ларзага келди.Ҳалойиқ  атом   бомпа    портиллап    уруш    бошланди шикилик диб   уйларидан   қочиб   чиғди. Маҳалла   камкет   томонда   қий - чув   кўталлиди. Олов, тутун, чанг – тўзондан осмон кўринмей кетти. Банғиллаган овоздан қулағим чиппа питти. Чанг – тўзон тингач, қорасам каатта хандагди янида Мамадиёр осмонга қораганича чўзилип ётипти мос бўп йиқилип қоған майхўр шиша ғарипига ўхшап. Мен шашиб борип уни тевип кўрсам ўлмаганакан. У ўннидан турип ўтирганича атропка хойран бўп аланглади. Кегин куйип тутаяткан дўпписини об бошига кийиб: - Мен нимага бетта ўтириппан? - деди. Мен осмонга буйтип қораб: - Хозир мўҳтарам пирзидин стратасперадан ўтип трапасперага еткандур - дедим. Кегин калламга бир ташвишлик сигнол кеп: - Эх, аттанг! Биздан бир ҳомлик ўтипти. Кўсмик кемани ясаппизу уни ерга қайтарадиган мхайнизмини яратиш эстан чиғипти. Энди хрмахлик пирзидин она сайёрага қандей қайтип келади? - деганидим бир маҳал хандак томондан Қурумбўйди: - Мен шу еттаман, Мизхаппар! Ерга қайтип келдим! - деди инграп, ўнтап. Мен шашип хандагди янига борип қорасам, хандагда Қурумбўй ётипти. Уни шинелиминан ўтиги паррак - паррак   бўп йиртилип кетипти. Аптига қорабўмейди. Бир хапта тинимсиз кўмир қазиган шахтийўрди сингари қоп – қорайип кўзлари йилтиллап турипти. Мен хурсан бўп Қурумбўйди ҳандакдан судрап апчиғдим. Кегин : - Хазрати олийлари, жоноп пирзидин! Қандай ажойип! Ўн милитта кўсмўска учип парвоз қиб яна она заминга қайтибсиз! Бу дунё кўсмўнавтикаси тарихида мисли кўрилмаган натинжа! Бу рекорд! - дедим. Махтаганимдан хурсан бўп Қурумбўй аста инжейип қўйди. Сайтмират ака, шу воқияниям газийтенарда эълон қилинг! Бутун дунё ҳойран қосин. Майли эмаса. Мен дўсларимга тиббий ярдам кўрсатишим керак. Эҳтиромларминан укангиз қизиласкар Мизхаппар.

2009 йил, 14 июнь. Кундуз сохот 5 дан 47 милит ўтти.

Қурумландия касмадрўми.