Торонто ёмгири

Вишиллайди ёмғир илони,

Ҳаво гиёх хидига тўлди.

Булутларнинг увадасига,

Чақмоқдан ўт кетмаса бўлди.

Шитирлайди сеҳрли товуш,

Йўлга боқар бўзрайган чироқ.

Чақмоқ ўпган мусаффо, намхуш,

Майдонларда йиғлайди фироқ.

Соқий осмон қуйган хос шароб,

Қудуқларга тўлди сузилиб.

Босиб кетди машина йўлни,

Йўл ётибди жони узилиб.

Тош кенгуру халтаси балкон,

Ёдга тушди мунис бир аёл.

Осилганча шамол думига,

Учиб кетди ичиккан хаёл.

Холдор Вулқон

19 июнь, 2008 йил. Кеч соат 8 дан 56 минут ўтди.

Торонто шахри. Канада.

Категория: Шеърлар | Просмотров: 916 | Добавил: valfajr

Добавлять комментарии могут только зарегистрированные пользователи.
[ Регистрация | Вход ]

Холдор Вулқоннинг ижодий саҳифаси.