Холдор Вулқоннинг ижодий саҳифаси.

РАМОЗОН МУБОРАК

Умр шошқин дарё экан, сой экан,

Бу ой ” Қуръон ” нозил бўлган ой экан,

Рўза тутган зот иймонга бой экан

Мўъмин - мусулмонлар, рўза муборак!

Қабул қилсин Субҳон Оллох Таборак.

Рўза бизга ёрдам қўлин узатмиш,

Такаббурлар ахлоқини тузатмиш.

Расулуллох йиғлаб уни кузатмиш

Мўъмин - мусулмонлар, рўза муборак!

Қабул қилсин Субҳон Оллох Таборак.

Мискинларни бой едириб ичирсин

Аразлашган бир - бирини кечирсин

Оллох олов камзулларни ечирсин

Мўъмин - мусулмонлар, рўза муборак!

Қабул қилсин Субҳон Оллох Таборак.

Бўлсанг уйда, хох далада, адирда,

Ухлаб ётма сен Лайлатулқадрда.

Бу тун ҳатто руҳлар ётмас қабрда

Мўъмин - мусулмонлар, рўза муборак!

Қабул қилсин Субҳон Оллох Таборак.

Рўзамизни Оллох учун тутайлик,

Бу дунёдан Иймон билан кетайлик,

Мангу хузур - халоватга етайлик,

Мўъмин - мусулмонлар, рўза муборак!