Холдор Вулқоннинг ижодий саҳифаси.

Ёшлигимда чўлқувар эдим,
Қувар эдим чўлларни ёмон.
Чўллар мендан Қўрқиб қочарди,
Кулгим қистар эсласам ҳамон.
Қувмай десам уйқу бермасди,
Қуварликнинг муқаддас бурчи,
Бўронда ҳам қувлайверардим,
Кўзда қумнинг қалампир-мурчи,
Билсам бекор қувган эканман.
Дарёларда қуриди сувлар.
Қасос дунё экан бу дунё,
Бугун энди чўл мени қувлар.

Холдор Вулқон

1988 йил. Тошкент.